Չինաստանում ակտիվորեն զարգանում է արտասովոր և բավականին խոշոր բիզնես՝ արհեստական ինտելեկտի միջոցով մահացած մարդկանց «կլոնների» ստեղծում: Ծառայությունը գոյություն ունի արդեն մի քանի տարի, և այս ընթացքում դրա գները նվազել են, իսկ տեխնոլոգիական մակարդակը բարձրացել է։
«AI կլոնն» այժմ կարժենա 140-150 դոլար, մինչդեռ ընդամենը մի քանի տարի առաջ այն կարժենար ավելի քան 1000 դոլար:
Նանջինգի Silicon Intelligence-ն առաջիններից է, որ տիրապետել է այս տեխնոլոգիային: Նրա համահիմնադիր Սուն Քայը ինժեներներին հանձնարարել էր նախագծել իր մոր ավատարը 2019-ին անսպասելի մահից հետո:
Մահացածների հետ գաղտնիքներով կիսվելը նախնիների մեծարման չինական ծեսերի անբաժանելի մասն է:
Էկրանի վրա սիրելի ընտանիքի անդամի կերպարի հետ խոսելը բոլորովին նույնը չէ, ինչ նրանց նամակ գրելը կամ տոներին խունկ ծխելը, սակայն նոր ավանդույթն ավելի արագ է տարածվում, ըստ երևույթին, արհեստական ինտելեկտի բարելավման շնորհիվ:
MIT Tech Review-ի լրագրող Զեյ Յանը կարողացել է զրուցել այս ծառայությունը մատուցող երկու ընկերությունների հետ: Նրանք ունեն ընդամենը 2 հազար հաճախորդ, ինչը բավականին քիչ է Չինաստանի 1,4 միլիարդանոց բնակչության համեմատ։ Այնուամենայնիվ, ընկերությունները նշել են, որ վերջին մեկ տարվա ընթացքում հաճախորդների թիվը զգալիորեն աճել է։
Իհարկե, հիմնական խնդիրը մնում է նման ծառայության էթիկան։ Ավատարները ստեղծվում են «ընտանիքի անմիջական անդամների բացահայտ համաձայնությամբ»: Այնուամենայնիվ, որոշ ընկերություններ թույլտվություն են պահանջում բոլոր հարազատներից և մտադիր են ավատարներ ստեղծել միայն այս պայմանով։
Յանի կարծիքով, չնայած Չինաստանի նախնիների պաշտամունքի մշակույթի եզակիությանը, նման «ուրվական բոտերը», կարող են հետևորդներ գտնել նաև համեմատելի ավանդույթներ ունեցող այլ երկրներում:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
