2023թ. օգոստոսին միջին ամսական աշխատավարձը Հայաստանում նվազել է 1,6%-ով և կազմել 265471 դրամ, հաղորդում է ՀՀ Վիճակագրական ծառայությունը:
Միևնույն ժամանակ, այս ցուցանիշը 10,7%-ով ավելի է 2022թ. օգոստոսի ցուցանիշից: Պետական հատվածում 2023թ. հուլիսին միջին աշխատավարձը կազմել է 217937 դրամ, իսկ մասնավոր հատվածում՝ 290137 դրամ:
Ինչպես ավելի վաղ հաղորդվել էր, աշխատողների թվաքանակը 2023թ. օգոստոսին կազմել է 725711 մարդ, որոնք աշխատում են ընդհանուր առմամբ 3690 պետական և 63637 ոչ պետական կազմակերպություններում: Պետական հատվածում զբաղվածների թիվը 205131 է, ոչ պետական հատվածում՝ 520580:
Ինչքա՞ն հարկ եք Դուք վճարում. Աշխատավարձի հաշվիչ
Միջին աշխատավարձն ըստ տնտեսության ոլորտների
Ըստ տնտեսության ոլորտների՝ ամենաբարձր աշխատավարձը 2023թ. հուլիսին եղել է տեղեկատվական տեխնոլոգիաների ոլորտում է՝ 1,011,270 դրամ, ու չնայած ոլորտի խնդիրներին, 2023թ. այստեղ աշխատավարձը նախորդ տարվա համեմատ շուրջ 7%-ով աճել է: Ֆինանսական և ապահովագրական ոլորտների միջին աշխատավարձը 829,775 դրամ է:
Ըստ ոլորտների՝ միջին աշխատավարձը 2023թ. հուլիսին այսպիսին է եղել.
- Տեղեկատվական տեխնոլոգիաներ – 1,011,270 ՀՀ դրամ
- Ֆինանսական և ապահովագրական գործունեություն – 829,775
- Հանքարդյունաբերություն – 462,811
- Պետական կառավարում և պաշտպանություն, պարտադիր սոցիալական ապահովություն – 417,054
- Մշակույթ, զվարճություններ և հանգիստ – 295,757
- Էլեկտրականության, գազի, գոլորշու և լավորակ օդի մատակարարում – 286,426
- Մասնագիտական, գիտական և տեխնիկական գործունեություն – 267,978
- Փոխադրումներ և պահեստային տնտեսություն – 264,309
- Շինարարություն – 250,506
- Առողջապահություն և բնակչության սոցիալական սպասարկում – 234,157
- Մշակող արդյունաբերություն – 208,092
- Մեծածախ և մանրածախ առևտուր, ավտոմեքենաների և մոտոցիկլերի նորոգում – 185,025
- Ջրամատարակարարում, կոյուղի, թափոնների կառավարում և վերամշակում – 182,527
- Վարչարարական և օժանդակ գործունեություն – 181,002
- Անշարժ գույքի հետ կապված գործունեություն – 176,088
- Գյուղատնտեսություն, անտառային տնտեսություն և ձկնորսություն – 165,528
- Կրթություն – 147,981
- Սպասարկման այլ ծառայություններ – 146,862
- Կացության և հանրային սննդի կազմակերպում – 133,989
Կարդացե՛ք նաև՝
- Խոշոր հարկատուների տասնյակում նորեկներ կան
- 2023-ի սեպտեմբերին եկամուտ ստացող աշխատատեղերի թվաքանակն աճել է
- Տնտեսական ակտիվության ցուցանիշը աճել է 9,7 տոկոսով
Հետևե՛ք բոլոր թարմացումներին և նորություններին՝ միանալով How2B-ի Տելեգրամյան ալիքին:
