Հայաստանի ռազմարդյունաբերական ոլորտի կազմակերպությունները Պաշտպանության նախարարության հետ կնքել են 46 պայմանագիր և ստացել են 122 մլրդ դրամի (308 մլն դոլար) պատվեր։ Այս մասին երեկ ասուլիսի ժամանակ հայտնել է Բարձր տեխնոլոգիական արդյունաբերության նախարար Մխիթար Հայրապետյանը՝ հավելելով, որ ակնկալվում է 2024 թվականի ավարտին գումարը հասցնել 191 մլրդ դրամի (ավելի քան 482 մլն դոլար)։
Հայրապետյանը նշել է, որ պաշտպանության գերատեսչությունը պատվերներ է կատարել 25 կազմակերպությունից, ակնկալում են, որ մինչև տարեվերջ այս թիվը կհասնի 29-ի: Նախարարն ընդգծել է, որ խոսքը երեք տարվա պայմանագրերի մասին է։
Նախարաը նաև նշեց, որ մշակվել է Ռազմաարդյունաբերական համալիրի սուբիեկտների արտադրական հզորությունների զարգացման հիմնադրամի հայեցակարգը, որը հնարավորթյուն է տալու մեծ արդյունավետությամբ զարգացնել ռազմարդյունաբերության ոլորտը՝ այն գրավիչ դարձնելով ներդրողների և արտադրողների համար։
Նրա խոսքով՝ իրականացվել են նաև մի քանի ներքին փորձարկումներ մի քանի զինատեսակի և մի քանի կառավարման համակարգերի գծով, որոնք մոտ ապագայում հնարավորւթյուն կունենան կիրառվել ՀՀ զինված ուժերում։
Բիզնես և տեխնոլոգիական ոլորտում սպասվող ամենահետաքրքիր միջոցառումները գտե՛ք այստեղ։
