Relativity Space-ն իր՝ 3D տպիչով ստեղծված Terran R հրթիռն արձակելու երրորդ փորձն է կատարել։
Այս անգամ հրթիռը հաջողությամբ օդ է բարձրացել, սակայն շարժիչներից մեկի խափանման պատճառով ուղեծրից դուրս գալ չի հաջողվել։ Ամեն դեպքում ընկերությունը սա հաջողություն է համարել, իսկ թե ինչ է տեղի ունեցել հետո հրթիռի հետ, չի հաղորդվում, բայց ամենայն հավանականությամբ այն ընկել է։
Terran R-ի առաջին թողարկումը նախատեսված էր մարտի 8-ին, սակայն հետաձգվել էր վառելիքի ջերմաստիճանի հետ կապված խնդիրների պատճառով: Երկրորդ գործարկումը, որը նախատեսված էր մարտի 11-ին, չի կայացել վառելիքի ճնշման հետ կապված խնդիրների պատճառով։
Terran R-ն ունի 33,5 մետր երկարություն և 2,2 մետր տրամագիծ: Հրթիռի դետալների 85%-ը տպագրված է 3D տպիչով, այն աշխատում է հեղուկ թթվածնով և հեղուկ բնական գազով։
Ենթադրվում է, որ այն կկարողանա Երկրի ցածր ուղեծիր դուրս բերել մինչև 1250 կգ օգտակար բեռ։ Քանի որ այս հրթիռի արտադրությունը շատ ավելի էժան է, քան ավանդական հրթիռներինը, ենթադրվում է, որ Terran R-ը կկարողանա զգալիորեն նվազեցնել արբանյակների արձակման ծախսերը:
Միացե՛ք How2B-ի Տելեգրամյան ալիքին՝ ամենահետաքրքիր հոդվածներն ու նորությունները բաց չթողնելու համար:
