1.1 C
Yerevan
Wednesday, February 1, 2023

Հաջորդ տարի Գյումրիում կմեկնարկի Հայաստանում ամենամեծ արդյունաբերական պարկի շինարարությունը

Վերջին լուրերը

Հաջորդ տարի Գյումրիում կմեկնարկի Հայաստանում ամենամեծ արդյունաբերական պարկի շինարարությունը
How2B
How2B-ն մեդիա հարթակ է, որի գլխավոր նպատակն է հեշտացնել բիզնես անելը Հայաստանում:

2023թ. Գյումրիում կմեկնարկի «Շիրակ Պորտ» արդյունաբերական պարկի շինարարությունը, հայտարարել է ՀՀ Էկոնոմիկայի նախարար Վահան Քերոբյանը Եկատերինբուրգի «Իննոպրոմ» միջազգային արդյունաբերական ցուցահանդեսի ժամանակ:


Նախարարը նշել է, որ արդյունաբերական տարածքների և տեխնոպարկերի ստեղծման անհրաժեշտությունն առաջ է եկել նաև հայ-ռուսական հարաբերությունների զարգացման արդյունքում: Քերոբյանը հեռանկարային է համարել հայ-ռուսական համատեղ ձեռնարկությունների հիմնումը քիմիական արդյունաբերության, մետալուրգիայի և բարձր տեխնոլոգիաների բնագավառում՝ կոչ անելով ռուսական ընկերություններին ակտիվ մասնակցել նման նախագծերին:

Քերոբյանը նշել է, որ պետական և մասնավոր հատվածների համագործակցության արդյունքում առաջիկայում հիմնվելու է 4 արդյունաբերական պարկեր, բացի Գյումրիից նաև Աբովյան, Արարատ և Մեղրի քաղաքներում: Արդյունաբերական այս տարածքները ունենալու են լավ զարգացած ենթակառուցվածքներ՝ թույլ տալով ներդրողներին արագ արտադրություն հիմնել:

Գյումրիում դիտարկվում է «ցամաքային նավահանգիստ» ստեղծելու տարբերակը, որը կառանձնանա զարգացած տրանսպորտային ենթակառուցվածքներով, այդ թվում՝ երկաթուղային: Մոտ 400 հա տարածքով արդյունաբերական պարկը մոտ տեղակայված կլինի թե՛ օդանավակայանին, թե՛ երկաթուղուն, և թե՛ «Հյուսիս-Հարավ» մայրուղուն: Ակնկալվում է, որ Գյումրիում ստեղծվելիք պարկը ապագայում կապահովի ՀՀ ՀՆԱ-ի 3%-ը:

Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։

Կարդացե՛ք նաև

spot_img
spot_img

Ամենաընթերցվածները