Modex գործակալությունը ՀՀ ՊԵԿ տվյալների հիման վրա կազմել է ՏՏ ոլորտի խոշորագույն հարկատուների ցանկը 2022թ-ի 1-ին կիսամյակում: Ըստ զեկույցի՝ 2022թ-ի 2-րդ եռամսյակում 1000 խոշոր հարկատուների ցանկում ընդգրկվել է 39 ՏՏ ընկերություն:
2022թ-ի 1-ին կիսամյակում 1000 խոշոր հարկատուների ցանկում ընդգրկված այդ ընկերությունները վճարել են 25.2 մլրդ դրամի հարկեր և վճարներ, որից՝ 4.3 մլրդ դրամը շահութահարկի գծով, իսկ 16.2 մլրդ դրամը՝ եկամտահարկի գծով:
Համեմատության համար, 2021թ-ին ամբողջ տարվա ընթացքում 1000 խոշոր հարկատուների ցանկում ընդգրկված ՏՏ ընկերությունները վճարել են ընդամենը 38.7 մլրդ դրամի հարկեր և վճարներ:
2022թ-ի 1-ին կիսամյակում առաջատար ՏՏ հարկատուների եռյակում են հայտնվել SoftConstruct-ը (5.2 մլրդ դրամ), Synopsys-ը (2.2 մլրդ դրամ) և Picsart-ը (2.2 մլրդ դրամ):
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
