17-ամյա նիգերացի Իսա Ավուալ Բարդեն ինքնուրույն կարողացել է պատրաստել ռոբոտ, որն աշխատում է հեռակառավարվող էկզոկմախքով։
Մարդու հասակով դրոիդն ունի տպավորիչ տեսք, նրա աչքերը փայլում են, նա կարող է շարժել ձեռքերը և նույնիսկ վերցնել ու տեղափոխել առարկաներ: Բացի այդ, ռոբոտը կարող է կրկնօրինակել այն մարդու մարմնի շարժումները, ով վերահսկում է իրեն։
«Գյուտարարը» պատմել է, որ «թղթե մարդուն» պատրաստել է 2 տարվա ընթացքում՝ զրոյական ներդրումներով։ Բոլոր անհրաժեշտ մասերը Իսան վերցրել է աղբի մեջից, իսկ մարտկոցներն ու էլեկտրաշարժիչը նրան նվիրել է հորեղբայրը։ Այսպիսով, ստվարաթղթից, շշերից ու խցաններից ստեղծվել է ռոբոտ-մանիպուլյատորը։
Արհեստական ինտելեկտի և ռոբոտաշինության ազգային կենտրոնից երիտասարդ ինժեներն արդեն տեղի հաստատությունում վերապատրաստվելու առաջարկ է ստացել։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
