АirBaltic ավիաընկերությունն ամռանը կսկսի նոր չվերթեր Ռիգայից դեպի Երևան, տեղեկանում ենք breakingtravelnews.com-ից: Թռիչքները կիրականացվեն շաբաթական երկու անգամ։
Ավիաընկերության գործադիր տնօրեն Մարտին Գաուսը նշել է, ավիաընկերությունը մտադիր էր դեպի Երևան թռիչքներ մեկնարկել դեռևս պանդեմիայից առաջ։
«Այժմ կարող ենք չվերթեր առաջարկել դեպի Հայաստանի մայրաքաղաք և հակառակ ուղղությամբ»,-ասել է նա։
Գաուսը նաև հավելել է, որ ճամփորդությունների ինդուստրիայի վերականգնմանը զուգահեռ իրենց ընկերությունը կկարողանա ավելի շատ ուղղություններ առաջարկել ճանապարհորդներին։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
