Ըստ օրենքի, մինչև 3 աշխատակից ունեցող ընկերություններին, թույլատրվում է աշխատակիցներից մեկի վրա դնել նաև գանձապահի պարտականություններ: Սակայն, երբ աշխատակիցներից մեկը գտնվում է նպատակային արձակուրդում, նրան մեկ ուրիշով փոխարինելու արդյունքում իրավական առումով աշխատակիցների թիվը հասնում է 4-ի և այս պարագայում կազմակերպությունը ստիպված է լինում ևս մեկ աշխատակցի ընդունել որպես գանձապահ:
Սա ՀՀ էկոնոմիկայի նախարարությունում Փոքր Եվ Միջին Ձեռնարկատիրության Զարգացման Պետություն-Մասնավոր Երկխոսության Հարթակում քննարկվող հարցերից մեկն էր:
Ըստ գնահատականների, նման կերպով անհարկի ծախսերի մեծացումը գերփոքր բիզնեսի վրա տարեկան ավելացնում է միջինում 1,200,000 դրամ ֆինանսական բեռ: Ավելին, շատ հաճախ այս պատճառով գերփոքր ընկերությունները խուսափում են աշխատանքի վերցնել կանանց:
Քննարկման ժամանակ հարթակի փորձագիտական աջակցությամբ զբաղվող IC Armenia-ի թիմը ներկայացրեց նախագիծ, որով առաջարկվեց ուժը կորցրած ճանաչել ՀՀ հարկային օրենսգրքի 388-րդ հոդվածի 4-րդ մասով նախատեսված սահմանափակումները և թույլ տալ ընկերության միևնույն աշխատակցին կատարել գանձապահի գործառույթը՝ նման անհրաժեշտության դեպքում։ Մոտեցումը վերահաստատվեց Փոխվարչապետի գլխավորությամբ ՓՄՁ նիստում, ինչպես նաև համաձայնեցվեց ՊԵԿ գործընկերների հետ։
Ավելի մանրամասն դիտեք մեր ռեպորտաժում՝ ստորև
