Հայաստանն աշխատանքներ է իրականացնում երկրորդ արբանյակը տիեզերք ուղարկելու ուղղությամբ, կառավարության նիստից հետո հայտնել է ՀՀ բարձր տեխնոլոգիական արդյունաբերության նախարար Ռոբերտ Խաչատրյանը։
«Դեռ շուկայի ուսումնասիրություն ենք իրականացնում, գնահատում ենք մեր հնարավորությունները, առաջարկները: Չեմ կարծում, որ 2023 թ. ընթացքում մենք երկրորդը կունենանք, բայց ամեն դեպքում աշխատանքներն իրականացվում են»,- ասել է նա։
Հայաստանում հիմա արբանյակի արտադրություն իրականացնելը նախարարն իրատեսական չի համարել, սակայն նշել է, որ եթե երկրորդ կամ երրորդ արբանյակի թեկուզ մի փոքր մաս Հայաստանում արտադրվի, դա ևս լավ ձեռքբերում կլինի:
Ըստ նախարարի՝ առանձին արբանյակից ստացվող նկարներն ինֆորմացիայի աղբյուր են, որոնք կարելի է օգտագործել անսահմանափակ ոլորտներում՝ ներառյալ ռազմական։
Կարդացե՛ք նաև.
Հայաստանում մինչև տարեվերջ «ArmSat-1» արբանյակի կառավարման կենտրոն կբացվի
Հայաստանի առաջին արբանյակը կապ է հաստատել Երկրի հետ
Երկիր մոլորակի ուղեծիր է դուրս բերվել Հայաստանի առաջին տիեզերական արբանյակը
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
