Skill-ը մեկնարկում է երկար սպասված Events 360 դասընթացը, որն իրադարձային մարքեթինգի և միջոցառումների կառավարման ամբողջական դասընթաց է՝ հիմնված միջազգային EMBOK մոդելի վրա` հարմարեցված հայկական շուկային ու իրականությանը։
Դասընթացը կվարի Skill Event Marketing ընկերության հիմնադիր Սերգեյ Ուսնունցն, ով ընդգրկվել է Eventex-ի վարկածով «The 100 Most Influential People in the Events Industry» և «Top 50 Most Influential People in Asia» վարկանշային ցանկերում և Career City Fest-ի պրոդյուսերն է:
Դասընթացը կազմված է 2 փուլից՝ Event Marketing և Event Management, նաև բոնուս դասերից`«Event Marketing HR-ների համար» և «Արդյունավետ մասնակցություն ցուցահանդեսներին»։
Յուրաքանչյուր դասի ավարտին կլինեն հրավիրյալ բանախոսներ, որոնք կպատմեն ոլորտում իրենց փորձի և իրական քեյսերի մասին։
Տևողությունը՝ 25 հոկտեմբեր — 29 նոյեմբեր (6 շաբաթ, 24 ժամ + 6 ժամ հրավիրված բանախոսների ելույթներ), լրացուցիչ դասերի հետ միասին՝ մինչև 8 շաբաթ։
Դասընթացի ավարտին բոլոր մասնակիցները կստանան միջազգային EMBOK ստանդարտի վրա հիմնված հավաստագիր։ Մասնակցության տեղերը սահմանափակ են, այն կանցկացվի օֆֆլայն ձևաչափով։
Դասընթացի ծրագրին ու այլ մանրամասների կարող եք ծանոթանալ՝ թողնելով հայտ այստեղ։
