EasyDMARC-ը հայկական ստարտափ է, որը մասնագիտացած է կիբեռանվտանգության և էլեկտրոնային փոստի պաշտպանության մեջ: Ընկերությունը տրամադրում է հարթակ, որը բիզնեսներին հնարավորություն է տալիս կանխել ֆիշինգային հարձակումներն ու կեղծ նամակների ուղարկումը՝ օգտագործելով DMARC ստանդարտը: EasyDMARC-ի լուծումները միտված են ապահովելու էլեկտրոնային նամակների իսկությունը և դրանց հաջող առաքումը:
Ընկերությունը հիմնադրվել է 2018 թվականին Գերասիմ Հովհաննիսյանի և Ավագ Առաքելյանի կողմից: Հիմնադիրների տեսլականը՝ հեշտացնել էլեկտրոնային նամակների անվտանգության ապահովումը առանց խորը տեխնիկական գիտելիքների, դարձրել է EasyDMARC-ը հարթակ, որն այսօր ունի 83,000+ հաճախորդ ավելի քան 130 երկրներում:
2024 թվականին EasyDMARC-ը ներգրավել է $20 միլիոն Series A փուլում՝ Radian Capital-ի գլխավորությամբ: Այս ֆինանսավորումը միտված է ընկերության գլոբալ ընդլայնմանը, թիմի աճին և տեխնոլոգիաների կատարելագործմանը՝ հաճախորդներին առաջադեմ լուծումներ տրամադրելու նպատակով:
