FAST հիմնադրամի՝ Գիտության և տեխնոլոգիաների հրեշտակ ներդրողների ցանցը (STAN) հայտարարել է Kerpak ստարտափում ներդրում կատարելու մասին։
Kerpak-ը վերաիմաստավորում է հարմարավետությունն ու «վերցրու և գնա» սկզբունքով վենդինգային սարքերով առևտուրը մեքենայական տեսողության և արհեստական ինտելեկտի միջոցով սնուցվող տեխնոլոգիայի միջոցով: Kerpak-ը շուկայում տարբերվում է լիովին ինտեգրված, ինքնուրույն միկրո-խանութի կոնցեպտով, որը ներառում է.
- SaaS գործիքներ՝ համակարգչային տեսողության AI մոդելների, գույքագրման և խանութների ցանցերի կառավարման համար
- Retrofit Kit-ը կառուցված է շուկայական բաղադրիչներով՝ պահարանը/սառնարանը/սառցարանը AI-ով աշխատող խելացի կրպակի վերածելու համար։
- Սպառողների վրա կենտրոնացած հավելվածներ, հավատարմության գործիքներ և օգտատիրոջ ինտերֆեյսներ:
Այս ներդրումով Kerpak-ը պատրաստվում է ընդլայնել իր մոդելը եվրոպական և մերձավորարևելյան շուկաներում:
Սա STAN-ի պորտֆոլիոյում արդեն 19-րդ ներդրումն է։
