Կարծես թե iPhone 16 Pro Max-ը կունենա ճիշտ նույն տետրապրիզմի վրա հիմնված տեսախցիկը, ինչ իր նախորդը:
Այս մասին հայտնում է TF International Securities-ի վերլուծաբան Մինգ-Չի Կուոն, ով պնդում է, որ տետրապրիզմային տեսախցիկի բնութագրերը կմնան անփոփոխ՝ համեմատած iPhone 15 Pro Max-ի հետ։ Միաժամանակ, iPhone 16 Pro-ն նույնպես նման տեսախցիկ կստանա նոր շարքում։ Սա, հավանաբար, հնարավոր կլինի, հատկապես այն պատճառով, որ iPhone 16 Pro-ն ավելի մեծ կլինի, քան iPhone 15 Pro-ն: Հիշեցնենք, որ նոր արտադրանքը կստանա 6,3 դյույմ անկյունագծով դիսփլեյ (նախորդն ուներ 6,1 դյույմ անկյունագիծ)։ iPhone 16 Pro Max-ի էկրանը կհասնի մինչև 6,9 դյույմ:
Իհարկե, Apple-ը կարող է աշխատել ծրագրային ալգորիթմների վրա, որոնք վաղուց նույնքան կարևոր դեր են խաղացել վերջնական արդյունքի մեջ, որքան սենսորներն ու ոսպնյակները։ Բայց, հավանաբար, դեռևս չպետք է սպասել որևէ էական բարելավում նոր սերնդի սմարթֆոնի հեռանկարահանումից:
Ինչպես հայտնում է աղբյուրը, երկու նոր սարքերն էլ պետք է ստանան նոր հիմնական 48 մեգապիքսելանոց Sony IMX903 տեսախցիկ՝ երկշերտ տրանզիստորներով:
Բիզնես և տեխնոլոգիական ոլորտի նորությունները բաց չթողնելու համար միացե՛ք How2B-ի Տելեգրամյան ալիքին։
