Այսօր շատ վարպետներ մտածում են, թե ինչպե՞ս իրենց հոբբին վերածեն բիզնեսի։ Էլեկտրոնային առևտուրը և մարքեթփլեյսերի աճը եզակի հնարավորություններ են ստեղծել ձեռնարկատերերի համար՝ նվազեցնելով բիզնես վարելու ծախսերը և հեշտացնելով նոր լսարաններ ներգրավելու ընթացքը: Ozon-ի հետ միասին պատրաստել ենք ստուգաթերթ, որը կօգնի ձեզ հեշտությամբ կատարել առաջին քայլերը մարքեթփլեյսում հաջողակ բիզնես ստեղծելու համար:
Որոշեք ուղղվածությունը
Սկսեք ձեր հոբբիի վերլուծությունից: Ձեր հոբբին ոչ միայն պետք է ձեզ հետաքրքիր լինի, այլև շուկայում պահանջարկ ունենա: Հետազոտեք, թե ի՞նչ ապրանքներ ունեն պահանջարկ, ուսումնասիրեք մրցակիցներին և թրենդերը: Այս հարցում ձեզ կօգնի Ozon-ի անվճար վերլուծությունը, որը հասանելի է Ozon Seller-ում՝ գրանցվելուց անմիջապես հետո: Դրա օգնությամբ կարող եք պարզել, թե ինչ իրեր են ամենից հաճախ գնում, և ինչը դեռ ներկայացված չէ հարթակում։ Արդեն այս փուլում արժե մտածել այն մասին, թե ձեր ապրանքն ինչով է առանձնանալու մյուսներից։ Եզակի առաջարկի ստեղծումը հաջողության հասնելու առաջին քայլն է:
Պատրաստեք արտադրանքը
Որակյալ արտադրանքը կայուն բարձր վաճառքի հիմքն է։ Նույնիսկ եթե դրանք ձեռագործ արտադրանք են, օգտագործեք միայն լավագույն նյութերը և մանրակրկիտ աշխատեք յուրաքանչյուր մանրուքի վրա: Մի՛ վախեցեք ստեղծել ապրանքների պաշար նախքան գործարկումը՝ դեֆիցիտից խուսափելու համար, բայց միանգամից մեծ խմբաքանակ ստեղծելը նույնպես միշտ չէ, որ ձեռնտու է. սկզբի համար արժե ստուգել պահանջարկը:
Այս փուլում կարևոր է նաև Ozon-ում աշխատանքային սխեման որոշելը: Լոգիստիկ խնդիրների լուծման ընդամենը 3 տարբերակ կա.
- FBO՝ Ozon-ը հոգ է տանում ապրանքների պահպանման, փաթեթավորման և առաքման մասին,
- FBS՝ պահեստավորում և փաթեթավորում կատարվում է ձեր պահեստում, իսկ առաքումն իրականացվում է Ozon-ի կողմից,
- realFBS՝ դուք ինքներդ եք կազմակերպում պահեստավորման, փաթեթավորման և առաքման բոլոր փուլերը:
Միավորեք սխեմաները տարբեր ապրանքների կատեգորիաների համար. ուղարկեք պահանջված ապրանքները FBO-ի միջոցով, իսկ փխրուն կամ դեռ չփորձարկվածները՝ FBS-ի կամ realFBS-ի միջոցով:
Ստեղծեք գրավիչ ապրանքային քարտեր
Ապրանքի քարտերը ձեր հիմնական գործիքն են հաճախորդների հետ շփվելու համար: Ձեր ապրանքները նկատելի դարձնելու համար կարևոր է հատուկ ուշադրություն դարձնել դրանց ձևակերպմանը: Օգտագործեք բարձրորակ լուսանկարներ տարբեր անկյուններից, ինչպես նաև տեսանյութեր՝ ապրանքը ցուցադրելու համար: Գրեք մանրամասն նկարագրություն՝ ընդգծելով ձեր ապրանքի առավելություններն ու առանձնահատկությունները: Ավելացրեք հիմնաբառեր՝ որոնման մեջ ձեր ապրանքի տեսանելիությունը բարելավելու համար: Այս կերպ դուք զգալիորեն կբարձրացնեք հաջողության հասնելու ձեր հնարավորությունները։
Կարգավորեք առաջխաղացումը
Առաջխաղացումն առանցքային դեր է խաղում Ozon-ում խանութի զարգացման գործում: Օգտագործեք բոլոր հասանելի գործիքները.
- մասնակցեք ծախծխումներին և ակցիաներին՝ տեսանելիությունը բարձրացնելու համար. Ozon-ը գնորդների համար պահպանում է օպտիմալ գներ ինչպես զեղչերում ուղղակի ներդրումների, այնպես էլ մարքեթփլեյսում տարեկան 365 օր տեղի ունեցող ծախծխումների և ակցիաների միջոցով: Ակցիաներին մասնակցելը վաճառողներին թույլ է տալիս մեծացնել բիզնեսի շրջանառությունը և բարելավել իրենց դիրքերը մարքեթփլեյսի որոնման արդյունքներում: Ավելին, Ozon-ը անվճար գովազդում է հայ ձեռներեցների արտադրանքը հեռուստատեսությամբ, ինտերնետում և մարքեթփլեյսի արտաքին գովազդում.
- աշխատեք մեկնաբանությունների հետ. արագ և մանրամասն պատասխանները օգնում են հաճախորդների մոտ վստահության ձևավորմանը,
- օգտագործեք վճարովի առաջխաղացումը և տրաֆարետները՝ ընդգրկումը մեծացնելու համար:
Բացի հարթակում առաջխաղացումից, դուք կարող եք կենտրոնանալ ապրանքանիշի զարգացման և հավատարիմ լսարանի ստեղծման վրա, որը կրկին ու կրկին կվերադառնա ձեզ գնումների տեսքով:
Սահմանեք նպատակներ և վերլուծեք արդյունքները
Սահմանեք երկարաժամկետ նպատակներ՝ ինչպիսիք են վաճառքի ծավալը կամ տեսականու ընդլայնումը: Օգտագործեք Ozon-ի վերլուծական գործիքները՝ հետևելու դինամիկային և հասկանալու, թե որ ապրանքներն են ամենից լավ վաճառվում և ինչպես կարող եք ազդել իրավիճակի վրա: «Ապրանքներ» բաժինն ունի բովանդակություն-վարկանիշ, որը կպատմի ձեզ, թե ինչպիսի բնութագրեր պետք է ավելացնեք՝ ձեր ապրանքներն ավելի գրավիչ դարձնելու համար:
Պահպանեք որակը և ընդլայնեք տեսականին
Պաշարների կանոնավոր համալրումը և բարձր որակի պահպանումը հաճախորդների վստահության հիմքն են: Նույնիսկ եթե արտադրության ծավալներն ավելանում են, մի մոռացեք ուշադրություն դարձնել մանրուքներին։ Ուսումնասիրեք հաճախորդների հետաքրքրություններն ու նախասիրությունները, որպեսզի կարողանաք ընդլայնել ձեր տեսականին՝ նրանց ակնկալիքներին համապատասխան:
Ձեռագործ իրերի բիզնեսը Ozon-ում կայուն եկամուտ ստանալու հնարավորություն է՝ միաժամանակ զբաղվելով սիրելի աշխատանքով: Հետևե՛ք մեր ստուգաթերթին, փորձարկե՛ք և զարգացրե՛ք ձեր բիզնեսը: Մարքեթփլեյսն առաջարկում է գործիքների և վերապատրաստման դասընթացների լայն տեսականի, որոնք կօգնեն ձեզ այս ճանապարհին: Գրանցվե՛ք Ozon Seller-ում և դարձե՛ք հաջողակ ձեռնարկատեր:
