ChatGPT բջջային հավելվածը սեպտեմբերին ռեկորդային եկամուտ է գրանցել՝ 4,58 միլիոն դոլար, մեկ ամսվա ընթացքում այն ամբողջ աշխարհում ներբեռնվել է 15,6 միլիոն անգամ։ Միաժամանակ վերլուծաբանները զգուշացնում են աճի տեմպերի դանդաղման մասին, գրում է Techcrunch-ը։
Չնայած դրան, բջջային սարքերով ChatGPT-ից ստացված եկամուտը դեռևս շարունակում է աճել։ Հունիսին այն կազմել է 2,1 մլն դոլար, հուլիսին՝ 2,74 մլն դոլար, օգոստոսին՝ 3,81 մլն դոլար, իսկ սեպտեմբերին նոր ռեկորդ է սահմանել՝ 4,58 մլն դոլար:
Հարկ է նշել, որ ChatGPT-ն AI հավելվածների ոլորտում եկամտաբերության առումով առաջատար չէ։ Մրցակից Ask AI-ը շատ ավելի շատ գումար է վաստակում գովազդի ավելի մեծ ծախսերի շնորհիվ։ Մայիսին վերջինից ստացված եկամուտը կազմում էր 6,48 միլիոն դոլար, իսկ օգոստոսին հասել էր աճի գագաթնակետին՝ մինչև 6,55 միլիոն դոլար: Սեպտեմբերին Ask AI հավելվածից եկամուտը նվազել է մինչև 5,51 միլիոն դոլար, սակայն այս ցուցանիշը դեռևս գերազանցում է ChatGPT-ին:
Ըստ Appfigures-ի հաշվարկների՝ ChatGPT բջջային հավելվածի թողարկումից ի վեր տեղադրումների ընդհանուր թիվը հասել է 52,2 միլիոնի, ներբեռնումների թվով առաջատարն է Google Play-ը, որին բաժին է ընկնում սեպտեմբերի 15,6 միլիոն ներբեռնումներից 9 միլիոնը, իսկ App Store-ին բաժին է ընկել մնացած 6,6 միլիոնը։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
