Starlink-ի ինտերնետ ծառայությունները արդեն հասանելի են Հայաստանում, այս մասին իր ֆեյսբուքյան էջում հայտնում է ՀՀ Բարձր տեխնոլոգիական արդյունաբերության նախարար Մխիթար Հայրապետյանը։
«Ուրախ ենք հայտնել, որ Starlink-ի ծառայությունները Հայաստանում արդեն հասանելի են՝ ապահովելով արագ, հուսալի արբանյակային ինտերնետ՝ քաղաքներից մինչև ամենահեռավոր գյուղերն ու դժվարամատչելի շրջանները։
Այս կարևոր քայլը հնարավոր դարձավ Հայաստանի բարձր տեխնոլոգիական արդյունաբերության նախարարության, Starlink ընկերության և պետական գործընկերների համատեղ ու նվիրված աշխատանքի շնորհիվ»,- գրել է նախարարը։
Ինչու՞ է կարևոր Starlink-ի մուտքը Հայաստան.
- Թվային ենթակառուցվածքների նոր մակարդակ՝ անվտանգ, որակյալ կապի ապահովմամբ։
- Հասանելիություն համաշխարհային առաջատար ծառայություններին։
- Կապի նոր հնարավորություններ բոլորի համար՝ անկախ գտնվելու վայրից։
