Տնտեսական ակտիվության ցուցանիշը 2024-ի հունվար-օգոստոս ամիսներին նախորդ տարվա նույն ժամանակահատվածի նկատմամբ աճել է 9%-ով, տեղեկանում ենք ՀՀ վիճակագրական կոմիտեի հրապարակած տվյալներից։ 2024-ի օգոստոսին աճը կազմել է 5,6%՝ նախորդ տարվա նույն ժամանակաշրջանի համեմատ։
Ամենամեծ աճը արձանագրվել է արտաքին առևտրաշրջանառությունում, որի ծավալը նախորդ տարվա նույն ժամանակահատվածի (հունվար-օգոստոս) համեմատ աճել է 86,8%-ով: Ընդ որում արտահանման ծավալներն աճել են 2,1 անգամ, իսկ ներմուծման ծավալները՝ 70,9%-ով։
Արդյունաբերական արտադրանքի ծավալը 2024-ի հունվար-օգոստոս ամիսներին 2023-ի նույն ժամանակաշրջանի համեմատ աճել է 13,7 տոկոսով, ներքին առևտրի շրջանառությունը՝ 20,4 տոկոսով, շինարարությունը՝ 16,2 տոկոսով: Նախորդ տարվա նկատմամբ աճել է նաև ծառայությունների ծավալը՝ 5,2%-ով։
Սպառողական գների ինդեքսը 2024-ի հունվար-օգոստոս ամիսներին նվազել է 0,1%-ով, իսկ արդյունաբերական արտադրանքի գների ինդեքսը և էլեկտրաէներգիայի արտադրությունը աճել են համապատասխանաբար 2,9 և 0,6 տոկոսով։
Կարդացեք նաև՝
