Ի՞նչ բիզ-թեք միջոցառումների մասնակցել 2024 թվականին

2024 թվականը Հայաստանում հագեցած է լինելու տեխնոլոգիական և բիզնես աշխարհի միջոցառումներով՝ զանազան համաժողովներ, ցուցահանդեսներ, մրցույթներ, meet-up-ներ և այլ ձևաչափով իվենթներ, որոնք հիանալի հնարավորություն են սովորելու, ծանոթանալու, ձեռք բերելու կապեր և առաջ տանելու Ձեր գործը:

How2B-ն հավաքել է տարվա բոլոր բիզ-թեք իրադարձությունները մի վայրում, պահպանե՛ք այս գրառումը և մշտապես կիմանաք, թե ուր արժի գնալ առաջիկա օրերին:

IAM INDUSTRY DAY էքսպո

- Advertisement -
Ի՞նչ բիզ-թեք միջոցառումների մասնակցել 2024 թվականին

Որտե՞ղ՝ ԵՊՀ կենտրոնական մասնաշենք
Ե՞րբ՝ մարտի 28, ժամը՝ 14։30-17:00
Ավելի՞ն՝ այստեղ։

Մինի-էքսպոյի ձևաչափով միջոցառումը կազմակերպել է Երևանի պետական համալսարանի ԻԿՄ ֆակուլտետի Ուսանողական խորհուրդը Դիսկրետ մաթեմատիկայի և տեսական ինֆորմատիկայի ամբիոնի հետ միասին, որտեղ կարող եք ներկայացնել ձեր ընկերությունները, ծանոթանալ ու կապեր հաստատել «Կիրառականի» ուսանողների հետ: Մասնակցության համար կարող եք գրանցվել այստեղ։

PyData Yerevan

Որտե՞ղ՝ PMI Science R&D Center
Ե՞րբ՝ մարտի 29
Ավելի՞ն՝ այստեղ

PyData Yerevan-ը կանցկացնի հերթական MeetUp-ը մեծ լեզվական մոդելների մասին՝ «Langchain: A Framework for Building Large Language Model Apps» թեմայով։

Հանդիպումը կվարեն Կարեն Ջավադյանը, ով Snowflake-ի ծրագրային ապահովման ինժեներն է և դր. Գոռ Հայրապետյանը, ով Microsoft-ի Էստոնիայի առաջատար/ավագ տվյալների ճարտարագետ է: Խոսնակները կներկայացնեն LLM-ները և կուսումնասիրեն LLM հավելվածների ներկայիս շրջանակը, որից հետո նրանք կբացահայտեն Langchain-ի առանձնահատկություններն ու հասկացությունները։

Startup Huddle Yerevan

Որտե՞ղ՝ ibis Hotel
Ե՞րբ՝ մարտի 29
Ավելի՞ն՝ այստեղ

Startup Huddle-ն ուժեղացնում է ներգրավվածությունը՝ համախմբելով ստարտափ համայնքին մեկ վայրում, որտեղ նրանք 6 րոպեանոց ելույթներ են ներկայացնում՝ նկարագրելով իրենց ընկերության առջև ծառացած մարտահրավերները: Յուրաքանչյուր ներկայացմանը հաջորդում է 20 րոպե տևողությամբ զրույց՝ կառուցողական քննադատությամբ, որի նպատակն է լուծումներ գտնել և ընդլայնել հիմնադիրների գիտելիքները:

IT Talks MeetUp

Որտե՞ղ՝ Ramada Hotel & Suites
Ե՞րբ՝ մարտի 30
Ավելի՞ն՝ այստեղ

IT Talks-ը հարթակ է, որտեղ միջազգային ՏՏ հանրությունը հավաքվում է նոր գաղափարների, գիտելիքների և փորձի փոխանակման համար:

Միջոցառման նպատակն է համախմբել տարբեր ոլորտների և ընկերությունների մասնագետների՝ փոխադարձ ուսուցման և փորձի փոխանակման համար տարածք ստեղծելով:

Fastex MeetUp

Որտե՞ղ՝ Blockchain Embassy
Ե՞րբ՝ մարտի 30, ժամը 14։00
Ավելի՞ն՝ այստեղ

Քննարկվելու են Web3-ին առնչվող թեմաներ՝

  • Բլոկչեյնի անվտանգության բարելավում և հիմնական մարտահրավերների լուծում
  • Web3-ում իրավական և կարգավորող միջոցների կիրառումը
  • Dream Factory — Համապարփակ բիզնես լուծումներ Web3-ում

Doing Digital Forum 2024

Որտե՞ղ՝ Dvin Hall
Ե՞րբ՝ ապրիլ 3, ժամը՝ 09։00-18։00
Ավելի՞ն՝ այստեղ

Տարվա ամենաթվային միջոցառումը, որի մասնակիցները հնարավորություն կունենան ծանոթանալու տնտեսության և հասարակական կյանքի տարբեր ոլորտներում թվայնացման վերջին միտումներին, բացահայտելու արհեստական բանականության առավելություններն ու մարտահրավերները, քննարկելու առաջնորդության դերն ու կարևորությունը թվային տրանսֆորմացիայի գործընթացում:

COM.E ON FORUM Երևան

Որտե՞ղ՝ «Արմենիա Մարիոթ» հյուրանոց
Ե՞րբ՝ ապրիլի 3
Ավելի՞ն՝ այստեղ

OZON մարքեթփլեյսը հայ գործարարների համար կազմակերպում է իր առաջին բիզնես ֆորումը։ Ֆորումի շրջանակում մասնագետները կքննարկեն էլեկտրոնային վաճառքների ժամանակակից թրենդները, Հայաստանում OZON-ի զարգացման հեռանկարներն ու ծրագրերը, ինչպես նաև կպատասխանեն գործարարներին հուզող հարցերին։

LinkedIn Local Yerevan

Որտե՞ղ՝ ALTEZZA by Armenian Helicopters
Ե՞րբ՝ ապրիլի 6
Ավելի՞ն՝ այստեղ

LinkedIn Local Yerevan-ը բիզնես-նեթվորքինգը խթանելուն ուղղված միջոցառում է, որն ունի միջազգային ձևաչափ և հաջողել է տարբեր երկրներում, իսկ Հայաստանում երբևԷ իրականացվող առաջին բիզնես նեթվորքինգ իրադարձությունն է, որը միավորելու է բիզնես համայնքին՝ ստեղծելու նոր կապեր և հնարավորություններ։

Միջոցառումը ներառելու է լավագույն փորձի փոխանցմանն ուղղված ելույթներ առաջատար խոսնակների կողմից, ինչպես նաև հարմարավետության գոտուց դուրս՝ արդյունքահեն նեթվորքինգի հատուկ մեթոդաբանությամբ կապերի հաստատման սեսիա:

JavaScript Summit Armenia 2024

Որտե՞ղ՝ Հայաստանի Ամերիկյան համալսարան
Ե՞րբ՝ ապրիլի 13
Ավելի՞ն՝ այստեղ

JavaScript Summit Armenia-ն մեկօրյա միջոցառում է JavaScript ծրագրավորման լեզվով հետաքրքրվածների համար։ Միջոցառումը մեկ հարկի տակ կհավաքի համայնքի բոլոր էնտուզիաստներին և մասնագետներին՝ արժեքավոր և օգտակար քննարկումներ ունենալու համար:

LEASING EXPO 2024

Որտե՞ղ՝ Meridian Expo & Event Centre
Ե՞րբ՝ ապրիլի 12-14
Ավելի՞ն՝ այստեղ

«LEASING EXPO 2024»-ն արդեն երկրորդ անգամ մեկ հարկի տակ կհավաքի խոշոր կազմակերպությունների և 100-ից ավել բերնդերի, որոնք առաջարկում են տարատեսակ սարքավորումներ՝ ֆիզիկական և իրավաբանական անձանց:Ցուցահանդեսը կտա հնարավորություն ծանոթանալ տեղական և միջազգային շուկայի տեխնիկական և տեխնոլոգիական նորարարություններին և առաջարկներին, ձեռք բերել վերջին սերնդի նորագույն սարքավորումներ՝ հատուկ առաջարկներով, շահավետ համագործակցության հնարավորությամբ:

InTech Armenia 2024

Որտե՞ղ՝ «Արմենիա Մարիոթ» հյուրանոց
Ե՞րբ՝ ապրիլի 19
Ավելի՞ն՝ այստեղ

InTech Armenia-ն ամենամյա տեխնոլոգիական իրադարձություն է ՏՏ շուկայի զարգացմանն ու ՏՏ նախագծերի իրականացմանն առնչվող կարևոր հարցերի քննարկման համար՝ բիզնեսի և ՏՏ մատակարարների  հետ համագործակցությամբ։

Միջոցառումը նպատակ ունի բացահայտելու ՏՏ ոլորտի հիմնական միտումները և Հայաստանում բիզնեսի կարիքները։ Այս տարի միջոցառումը կկայանա «Shaping the Future of Business: Harmonizing AI, Cybersecurity and Digital Advancements» խորագրի ներքո։

Career City Fest

Որտե՞ղ՝ Meridian Expo & Event Centre, Երևան
Ե՞րբ՝ ապրիլի 27-28
Ավելի՞ն՝ այստեղ

Ավանդական դարձած Career City Fest-ը մեկ հարթակում է հավաքում ՀՀ լավագույն գործատուներին և նրանց թիմերը, որոնք ստեղծում են լավագույն ապրանքներն ու ծառայությունները: Փառատոնի այցելուները հնարավորություն կունենան` ծանոթանալ ՀՀ առաջատար ընկերությունների կորպորատիվ մշակույթին, ապրանքներին, ծառայություններին և թիմերին, մասնակցել կոնֆերանսներին, մաստեր կլասներին, սեմինարներին, ներկա գտնվել գործատուների յուրօրինակ EVP Show-ին և այլն:

ՎԶԵԲ տարեկան հանդիպում

Որտե՞ղ՝ Երևան
Ե՞րբ՝ մայիսի 14-16
Ավելի՞ն՝ այստեղ

ՎԶԵԲ տարեկան հանդիպումները հնարավորություն են տալիս բարձրաստիճան հարթակում քննարկումներ իրականացնելու համաշխարհային ֆինանսատնտեսական միջավայրում տեղի ունեցող իրադարձությունների և համընդհանուր հետաքրքրություն ներկայացնող հարցերի շուրջ, երկկողմ հանդիպումներ ունենալու միջազգային կազմակերպությունների, օտարերկրյա պետությունների և այլ կազմակերպությունների պատվիրակների և ներկայացուցիչների հետ, ինչպես նաև մասնակցելու գլոբալ մարտահրավերներին առնչվող միջոցառումներին։ Հանդիպման շրջանակներում կանցկացվի «Ազդեցության համատեղ գործադրում» խորագրով գործարար համաժողով։

GCON 2024 — Game development conference

Որտե՞ղ՝ American University of Armenia
Ե՞րբ՝ հունիսի 15, ժամը՝ 10։00-19։00
Ավելի՞ն՝ այստեղ

Հայաստանում Խաղաստեղծների կոնֆերանսի (GCON) ընթացքում մասնագետները կկիսվեն իրենց գիտելիքներով և փորձով: Միջոցառումը օգտակար կլինի ինչպես նորեկների, այնպես էլ փորձառու մասնագետների համար: GCON-ը նաև հիանալի վայր է մասնագերների հետ շփվելու և նոր մարդկանց հանդիպելու համար:

World Congress on Innovation and Technology 2024

Որտե՞ղ՝ Երևան, Հայաստան
Ե՞րբ՝ առայժմ հայտարարված չէ
Ավելի՞ն՝ այստեղ

Հայաստանը 2019 թվականից հետո երկրորդ անգամ է ընդունելու հեղինակավոր միջոցառումը: Այն այս անգամ անցնելու է «Գիտությունը որպես թվային սերունդի խոստումների իրականացման ուղի» խորագրով:

Պահպանե՛ք այս հոդվածը, այն թարմացվում է ամեն հինգշաբթի: Իսկ եթե ունեք կամ գիտեք բիզ-թեք միջոցառումներ, որոնք չկան մեր ցանկում, կարող եք ուղարկել info@how2b.am էլ. հասցեին։

spot_imgspot_img
spot_imgspot_img
Կարդացե՛ք նաև
Ի՞նչ բիզ-թեք միջոցառումների մասնակցել 2024 թվականին

Վերջին նորությունները

Ի՞նչ բիզ-թեք միջոցառումների մասնակցել 2024 թվականին
How2B
How2B-ն մեդիա հարթակ է, որի գլխավոր նպատակն է հեշտացնել բիզնես անելը Հայաստանում: