ArmIGF
Ինտերնետ կառավարման հայաստանյան համաժողովը երկխոսության ու համագործակցության բաց հարթակ է։
- Կազմակերպվում է տարեկան հանդիպումների ձևաչափով։
- Միավորում է պետական, հասարակական, մասնավոր հատվածների ներկայացուցիչների։
- Քննարկվում են ինտերնետի կառավարմանը վերաբերող հարցեր, փոխանակվում է տեղեկատվություն, ներկայացվում՝ արդյունավետ փորձը։
- Նպաստում է ինտերնետի հնարավորությունների զարգացմանը, առաջացող ռիսկերի ու մարտահրավերների դիմակայմանը, ինչպես նաեւ խնդիրների համընդհանուր ընկալմանն ու լուծմանը։
ArmIGF-ը նախաձեռնում է «ՀՀ Ինտերնետ կառավարման համաժողով» միջգերատեսչական խումբը, որը կազմավորվել է ՀՀ կառավարության որոշմամբ՝ 2014-ին, ինտերնետ կառավարմանն առնչվող խնդիրների լուծման համար առաջարկություններ մշակելու և ներկայացնելու նպատակով։
Մասնակցել կարող են ինտերնետի կառավարման խնդիրներով հետաքրքրված շահառու բոլոր խմբերն ու անհատները:
Մասնակցությունն անվճար է, գրանցումը՝ պարտադիր։
