Տվյալների կենտրոնների դերը թվային դարաշրջանում

Ժամանակակից տեխնոլոգիաները պահանջում են ժամանակակից մոտեցումներ, և տվյալների կենտրոնները դարձել են զարգացման այս վեկտորի կարևորագույն տարրը: Դիտարկենք դրանց կարևոր դերն ու նորարարական մոտեցումը Noventiq Armenia-ի փորձի պրիզմայով։

Տվյալների կենտրոնների կարևորությունը ժամանակակից թվային աշխարհում

Մեր օրերում, երբ տվյալները առանցքային դեր են խաղում, տվյալների կենտրոնները դարձել են անբաժանելի մաս: Noventiq Armenia-ի ինժեներների թիմի հետ միասին մենք ձգտում ենք ապահովել, որ այս կառույցները լինեն ոչ միայն դիմացկուն, այլև խելացի: Տվյալների կենտրոնները պահում, մշակում և փոխանցում են տվյալներ կայքերին, հավելվածներին և ամպային ծառայություններին աջակցելու համար: Մեր առաքելությունն է թվային աշխարհը դարձնել ավելի մատչելի, հուսալի և արդյունավետ:

Տվյալների կենտրոնի կոնցեպտը. ավելին, քան պարզապես սերվերներ

Եթե ​​պատկերացնենք տվյալների կենտրոնը որպես քաղաք, ապա դրա կենտրոնում տեղակայված կլինեն սերվերները, տվյալների պահեստները և այն ամենը, ինչ անհրաժեշտ է տեղեկատվության մշակման համար։ Իսկ այս քաղաքի սահուն գործելու համար անհրաժեշտ է բարձրորակ ենթակառուցվածք:

Ենթակառուցվածքը որպես տվյալների կենտրոնի կենսական մաս

Noventiq Armenia-ում մենք հասկանում ենք, որ ենթակառուցվածը պարզապես շենքեր և սարքավորումներ չեն։ Դրանք համակարգեր են, որոնք ապահովում են տվյալների կենտրոնի կայունությունն ու արդյունավետությունը: Դիտարկենք դրանց բաժանումները՝

• Հովացման համակարգ։ Սերվերային սենյակներում օպտիմալ ջերմաստիճանը պահպանելու հիմնական տարրը հովացման համակարգն է: Noventiq Armenia-ում մենք ոչ միայն օգտագործում ենք տեխնոլոգիական և ճշգրիտ օդակարգավորում, այլ նաև ուսումնասիրում ենք այլընտրանքային լուծումների ներդրման հնարավորությունը, ներառյալ երկրաջերմային էներգիան, free cooling-ի ներդրման հնարավորությունը, ինչպես նաև ոգեշնչվում ենք նորարարական մոտեցումներից, ինչպիսիք Google-ի տվյալների կենտրոնը Ֆինլանդիայում։ Կարևոր նորարարություններից  մեկը այս տվյալների կենտրոնում հովացման համակարգն է, որն օգտագործում է Ֆիննական ծոցի ծովի ջուրը, որն օգնում է նվազեցնել էներգիայի սպառումը: Այս համակարգը եզակի լուծում է, որն իր տեսակի մեջ առաջինն է ամբողջ աշխարհում: Ավելին՝ տվյալների կենտրոնն օգտագործում է քամու էներգիան նույնպես։
• Անխափան սնուցում։ Տվյալների կենտրոնը կայուն աշխատում է անխափան սնուցման աղբյուրների շնորհիվ: Կրկնակի փոխարկվող UPS — ից մինչև տարբեր տեսակի մարտկոցներ, մենք երաշխավորում ենք, որ էլեկտրաէներգիայի մատակարարումը երբեք չի դադարի:
• Պահուստային հզորություն։ Մեխանիկական էլեկտրակայանները և էներգիայի այլընտրանքային աղբյուրները մեր պահեստային պաշարներն են: Noventiq Armenia-ում մենք հպարտ ենք, որ լույսերն ու տվյալները միացված ենք պահում նույնիսկ այն ժամանակ, երբ արտաքին հանգամանքները բարդանում են:

Noventiq Armenia-ի փորձը. տեխնոլոգիական առաջընթաց և  արհեստավարժություն

Noventiq Armenia-ում մենք ոչ միայն աջակցում ենք տեխնոլոգիական առաջընթացին, այլ ստեղծում ենք այն: Տվյալների կենտրոնի տարբեր ասպեկտներում մեր բազմազան փորձն ընդգծում է շարունակաբար կատարելագործելու մեր կարողությունը։

Մենք ուսումնասիրում ենք նոր տեխնոլոգիաներ՝ ապահովելով սարքավորումների և շրջակա միջավայրի համար օպտիմալ պայմաններ:

Տարբեր տեսակի մարտկոցների մեր կողմից օգտագործումը ապահովում է սերվերների կայուն աշխատանքը տարբեր սցենարներում: Մենք տրամադրում ենք ժամանակակից UPS-ներ շահագործման համար և հնարավորություն ունենք դրանք համալրելու մարտկոցի տեսակով, որն ուղղակիորեն կբավարարի տվյալ տվյալների կենտրոնի կարիքները՝ երաշխավորելով սերվերների կայուն աշխատանքը տարբեր սցենարներում:

Մենք ապահովում ենք էներգիայի մատակարարման շարունակականությունը ‘ օգտագործելով բարձր արդյունավետությամբ մեխանիկական էլեկտրակայաններ, ինչպես նաև կարող ենք առաջարկել այլընտրանքային վերականգնվող աղբյուրների վրա հիմնված լուծումներ, ինչպիսիք են արևային էներգիան:

Մեր ինժեներները ուշադիր հետևում են տեխնոլոգիական միտումներին՝ թարմացնելով սարքավորումները՝ բարձր արդյունավետությունը պահպանելու համար:

Noventiq Armenia-ում մենք տվյալների կենտրոնների ապագան տեսնում ենք անընդհատ կատարելագործվող տեխնոլոգիաների, նորարարությունների ներդրման և թվային աշխարհի համար հուսալի լուծումներ տրամադրման մեջ:

Ամատունի Եփրեմյան, Noventiq Armenia ընկերության ինժեներ