8.1 C
Yerevan
Saturday, November 26, 2022

Ավտոմատացնել ավտոմատացումը. Bardeen-ը կխնայի Ձեր ժամանակն ամենօրյա աշխատանքում

Bardeen-ը գրեթե բոլոր բրաուզերներում աշխատող ծրագրային ապահովում է, որը թույլ է տալիս հաճախ օգտագործվող ծրագրերի մեջ (օրինակ՝ zoom, chrome, opera) ավտոմատացումներ գործարկել:

Օրինակ՝ zoom-ով ձայնագրածը պահպանելու համար, պետք է «գնալ» հավելվածի համապատասխան բաժին ու սեղմել ներբեռնել կոճակը: Ապա, եթե կա ցանկություն ներբեռնած ձայնագրության թղթապանակը կիսվել այլ ընկերների հետ, պետք է ըստ հերթական քլիքների անել գործողությունը:

Bardeen-ն այս ամբողջ պրոցեսը իրականացնում է 1 քլիքով:

«Ունենք մոտ 300 պատրաստի shortcut-եր, որոնք մի շարք գործողություններ են կատարում: Դրանից զատ դուք կարող եք ինքներդ ձերը ստեղծել: Ամենատարածված shortcut-ը Linkedin-ից Google Sheets copy անելն է, որը շատ հարմար է HR-ներին, գործատուներին, նրանց համար, ովքեր փնտրում են թեկնածուների: Երբ գտնում են մեկին, ով կարող է լինել պոտենցիալ աշխատող, պետք է հատ-հատ քոփի անել անունը, ազգանունը, մասնագիտությունը, կամ որտեղ է սովորել: Այս ամողջ գործողությունը կարող է տեղի ունենալ մեկ քլիքով»,- ասում է Bardeen-ի համահիմնադիր Արտեմ Հարությունյանը:

Ավտոմատացնել ավտոմատացումը. Bardeen-ը կխնայի Ձեր ժամանակն ամենօրյա աշխատանքում
Bardeen-ի համահիմնադիր Արտեմ Հարությունյան

Linkedin-ի shortcut-երը խմբավորված են, օրինակ՝ ըստ մասնագիտությունների՝ HR-ների, PM-ների կամ վաճառքի մասնագետների համար: Մասնագիտությունից զատ, shortcut-երը բաժանված են նաև ըստ հավելվածների՝ Linkedin, zoom և այլն:

Bardeen-ը 15 հոգանոց փոքր թիմ է, որն աշխատում է ամբողջ աշխարհից, իսկ նրանցից միայն մեկն է Հայաստանից:

«Աշխատանքը կազմակերպելու համար, տարին մի քանի անգամ հանդիպում ենք որևէ կետում: Այս տարի, արդեն երկու անգամ հանդիպել ենք: Թիմը հիմնականում երկու տեղից է, ԱՄՆ-ից և Եվրոպայից»,- ասաց Արտեմ Հարությունյանը:

Համահիմնադիրներից մյուսը Պասկալ Վայնբերգրն է, ով ապրում է Շվեյցարիայում: Գաղափարն առաջացել է միաժամանակ՝ երկու համահիմնադրի մոտ, իրարից անկախ: Զրուցել են նույն ներդրողի հետ, որն էլ իր հերթին որոշել է ծանոթացնել հիմնադիրներին:

«Այսպիսի գործիքներ շատ կան աշխարհում: Bardeen-ը տարբերվում է նրանով, որ աշխատում է անմիջապես բրաուզերի մեջ, իսկ մյուս գործիքներն աշխատում են cloud-ի մեջ, որն իրականում էականորեն տարբեր է: Մեր գործիքը բրաուզերի մեջ է և եթե ավելի հստակ ասենք, թե ինչով ենք մենք զբաղվում, ապա ուզում ենք ավտոմատացնել ավտոմատացումը: Շատերին ասում ենք, որ կրկնվող պրոցեսները կարող ենք ավտոմատացնել, իրենք պատասխանում են, որ ոչ մի կրկնվող բան չեն անում: Իսկ իրականում չեն գիտակցում, թե ինչքան ժամանակ են ծախսում այդպիսի բաների վրա, որն իրականում գործողությունների հաջորդականություն է»,-նշում է Արտեմ Հարությունյանը:

Կարդացեք նաև՝ FBF. Հայկական ստարտափը հեշտացնելու է տեսողության խնդիրներով մարդկանց կյանքը

Ավտոմատացնել ավտոմատացումը. Bardeen-ը կխնայի Ձեր ժամանակն ամենօրյա աշխատանքում

Ծրագիրն աշխատում է արհեստական բանականության միջոցով: համահիմնադրի խոսքով, իրենք տեսնում են, թե մարդիկ ինչ տեսակի ավտոմատացումների խնդիր ունեն և փորձում են լուծել հենց այդ խնդիրը:

«Մենք իրական խնդիրներ ենք լուծում իրական մարդկանց համար։ Մենք ոգեշնչվում ենք, երբ գնահատում են մեր ներդրած ջանքերը: Այժմ մեր հաճախորդներն անհատներն են, որոնք օգտագործում են մեր գործիքը: Նրանց ճնշող մեծամասնությունը հիմնադիր կամ HR է, սակայն ունենք հաճախորդ, ով մեր գործիքի միջոցով իր պարտեզն է կառավարում, բույսերի մասին ինֆորմացիաներ էր հավաքել, երբ ջրի, ինչպես տնկի ու այս տեսակ shortcut-եր էր պատրաստել»,- ասաց Արտեմը:

Ընկերությունը աշխարհում գոյություն ունեցող մոտ 5000 ծրագրից դեռ 30-ի վրա է կենտրոնացել: Հետագա նպատակն է զարգանալ այնքան, որ համագործակցի ու shortcut-եր ստեղծի ավելի շատ ծրագրերի համար, իսկ դա իրականում տարիների աշխատանք է պահանջում:

«Մարդկանց պահանջներն ու ակնկալիքներն էվոլուցիա են ապրում, ու մենք պետք է հասցնենք գնալ դրա հետևից: Պրոդուկտը ժամանակին համահունչ պետք է կարողանանք զարգացնել»,- ասում է համահիմնադիրը:

Bardeen-ն այս պահին ունի ավելի քան 50 հազար հաճախորդ՝ ամբողջ աշխարհում և աշխատում է անվճար է: Մտադրություն կա, տարեվերջին որոշ ֆունկցիաներ կամ գործիքներ դարձնել վճարովի:

Կարդացեք նաև՝ BugHunters. Կիբեռանվտանգության ոլորտի հայկական գործիք՝ թարմ մոտեցումներով

Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին:

Կարդացե՛ք նաև

spot_img
spot_img

Վերջին նորությունները

Ավտոմատացնել ավտոմատացումը. Bardeen-ը կխնայի Ձեր ժամանակն ամենօրյա աշխատանքում
Նանէ Հայրապետյան
Բազմաթիվ ինչուների պատասխանի հետևից գնալու համար, նախ ընտրեցի ԵՊՀ ժուռնալիստիկայի ֆակուլտետի ճանապարհը, հետո քաղաքական ինչուները տարան Պետական Կառավարման Ակադեմիա ու ստացա քաղաքագիտության մագիստրոսի կոչում: Բարև Ձեզ, ես Նանէ Հայրապետյանն եմ, այս հարթակում պատմում եմ ՏՏ-ի, բիզնեսի և ինովացիաների մասին: Եթե ունեք հարցեր կամ թեմաներ, որոնց կուզեք որ անդրադառնանք, գրեք ինձ հետևյալ հարթակններում: