Կազմակերպիչ՝ FAST հիմնադրամ
Հայտերի ընդունման ավարտ՝ հունվարի 8, 2023
Գրանցման հղում՝ https://bit.ly/3Gof2vt
Արժեք՝ անվճար
FAST հիմնադրամը վերսկսում է պարբերական նախապատրաստական դասընթացներ, որոնք մեկնարկում են յուրաքանչյուր զորակոչից 6 ամիս առաջ։ Դասընթացն ապահովում է մրցակցային կրթության հնարավորություններ զորակոչի ենթակա տղաների, ինչպես նաև աղջիկների համար։
Դասընթացի ընթացքում մասնակիցները ձեռք են բերում գիտելիքներ տվյալագիտության և արհեստական բանականության ոլորտների վերաբերյալ, ինչպես նաև իրականացնում են խմբային ավարտական նախագծեր, որպեսզի հետագայում պատրաստ լինեն հանձնել «1991 ստորաբաժանում»-ում ծառայության անցնելու քննությունը՝ ՀՀ պաշտպանության նախարարության կողմից կազմակերպված։
FAST հիմնադրամը կազմակերպում է նաև դասընթացներ «1991 ստորաբաժանում» ընդունված զինծառայողների համար նրանց հանձնարարված հետազոտության և մշակման (R&D) նախագծերի կարիքներին համապատասխան։
Դասընթացի բովանդակություն
- Գծային հանրահաշիվ և անալիտիկ երկրաչափություն
- Մաթեմատիկական անալիզ
- Հավանականությունների տեսություն
- Ծրագրավորման հիմունքներ
- Մեքենայական ուսուցման հիմունքներ
- Նեյրոնային ցանցերի հիմունքներ
- Ավարտական նախագծեր:
«1991 ստորաբաժանում»
FAST հիմնադրամը և ՀՀ պաշտպանության նախարարությունը 2019 թվականի սեպտեմբերին ստորագրել են փոխըմբռնման հուշագիր՝ համագործակցելու «1991 ստորաբաժանման»շրջանակում։ Այս եզակի ստորաբաժանման հմուտ զինվորները ռազմավարական և մարտավարական առաջադրանքների կատարման համար կստեղծեն առաջադեմ տեխնոլոգիաներ, որոնք ՀՀ Զինված ուժերի համար մեծ պահանջարկ ունեն:
Հայտերի ընդունման ավարտը՝ մինչև 2023 թ․-ի հունվարի 8-ը ներառյալ: Դասընթացի մանրամասներին ծանոթացե՛ք այստեղ:
Տեխնոլոգիական և բիզնես ոլորտի նորությունները՝ մեր Ֆեյսբուքյան էջում։
