Կազմակերպիչ՝ Enterprise Incubator Foundation (EIF)
Վերջնաժամկետ՝ հուլիսի 31
Միջոցառման մասին
«Հայաստանում աշխատուժի զարգացման» ծրագրի շրջանակում մեկնարկում է AI-Code battle նորարարական գաղափարների մրցույթը։
Նոր ձևաչափով մրցույթը հնարավորություն կտա մասնակիցներին, կիրառելով արհեստական բանականությամբ աշխատող տարբեր գործիքներ, մշակել հետաքրքիր նախագծեր կամ դրանց դեմո տարբերակները, մրցել միմյանց հետ և ստանալ դրամական պարգևներ։
AI-Code battle-ը հնարավորություն կտա.
- ծանոթանալ համար արհեստական բանականությամբ աշխատող տարբեր գործիքների և գործնականում սովորել՝ ինչպես կիրառել դրանք տարբեր նախագծերում
- մշակել հետաքրքիր նախագծեր ՏՏ-ի, գյուղատնտեսության, հյուրընկալության և այլ ոլորտներում
- ստանալ դրամական պարգև
Մրցույթին կարող են մասնակցել 2-4 հոգանոց թիմեր կամ անհատներ։
Մասնակցության համար անհրաժեշտ է մինչ հուլիսի 31-ը մշակել նորարարական տեխնոլոգիական լուծումներ՝ արհեստական բանականությամբ աշխատող գործիքների կիրառմամբ և լրացնել հետևյալ հայտադիմումը։
Անվանակարգեր և մրցանակային ֆոնդ.
- 500,000 ՀՀ դրամ՝ արհեստական բանականությամբ աշխատող գործիքների ստեղծարար կիրառությամբ ստեղծված նախագծի համար,
- 500,000 ՀՀ դրամ՝ արհեստական բանականությամբ աշխատող գործիքների լայնածավալ կիրառությամբ ստեղծված նախագծի համար,
- 500,000 ՀՀ դրամ՝ արհեստական բանականությամբ աշխատող գործիքների արդյունավետ կիրառությամբ կրթական նախագծի/մոդելի համար է։
Տեխնոլոգիական և բիզնես ոլորտի այլ նորությունների ծանոթացե՛ք՝ միանալով մեր Տելեգրամյան ալիքին։
